Ang mga Jeepneys ay maituturing culturally significant sa Pilipinas, kaya karamihan sa mga Pilipino ito ay isang magandang representasyon ng creativity at identity nila. Sa mga murals at signboards nito, ito ay nakaiwan ng marka sa kultura ng pang araw-araw na kabuhayan ng mga komyuter, na kahit ang mismong mga Jeepney placards ay nagkaroon ng kanilang identity pagdating sa typography at kulay. Makikita rin ito sa survey na isinagawa ng aming grupo, higit na lamang sa kasunduan ng mga respondents na ang traditional Jeepney placards ay nagbibigay ng sense of familiarity at nostalgia sa kanila.

Pag dating sa disenyo, rito makikita ang uncertainty sa mga sagot ng respondents. Hindi naging kongkreto ang kasunduan pagdating sa kung madali ba makita at maintindihan sa malayuan ang mga Jeepney placards, at tsaka kung anong style ng typography ang mas madaling basahin. Lumitaw sa mga sagot ang flexibility ng mga signages na kung saan naapektuhan na nito kung ano nga ba ang purpose ng isang signage. Instead na makita ang effectiveness nito sa kaniyang readability, naging inconclusive ang stance ng respondents pag dating sa disenyo ng Jeepney placards.

Pag tinanong naman directly in an interview setting, yung salitang “nakasanayan” ay paulit-ulit binabanggit ng mga interviewees. Dahil naging cultural na ang pag settle sa kung ano man ang binigay o mayroon sayo, gumawa ito ng maling pananaw na ang mga Jeepney placards ay epektibo. Masasabi nga naman na epektibo siya kung ilang dekada na siyang ginagamit, ngunit hindi ito ang nagpapakita sa pananaw ng mga komyuter.